【上海姑爺搵公安拉記者】朱玲玲單方面宣佈已離婚 羅康瑞為護花趕盡殺絕

其實朱玲玲早在〇四年已經辦妥離婚手續，但為顧及老爺面子，一直未有公開。直至〇六年霍英東長期臥病在床，羅康瑞父親羅鷹石離世，朱玲玲即把握機會，透過好友葉蒨文把口，在羅康瑞的上海樓盤活動，向外宣佈回復單身，仲話九七年已經分居，兩人離婚是因為性格不合。
朱玲玲忽然單方面的將離婚秘密公開，據知是想名正言順回復單身識朋友，不用惹人閒言。不過當時羅康瑞仍有避忌，他對記者首度談及朱玲玲時說：「好耐冇追女仔啦！渲染咗咁多年（與朱玲玲的關係），都冇需要澄清，總之我哋係識咗好耐嘅朋友，希望唔好再咁多揣測。」
雖然把口係咁講，但羅康瑞就好肉緊朱玲玲，甚至不惜為了護花將記者趕盡殺絕，即使是被邀請往上海出席瑞安樓盤活動的記者，只要稍有不利朱玲玲的報導刊出，即被列入黑名單；更有守在酒店門外拍照的記者，被公安帶返派出所告誡，上海姑爺為紅顏發火，果真非同小可。
撰文：壹週刊編輯部


「壹起出手，撐新聞自由！」
立即免費訂閱《壹週刊》
登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI 

壹週刊 : https://nextplus.nextmedia.com/
即 like 壹週刊 fb : http://www.facebook.com/nextmagazinef...