【大把俗語出自天九】拎冧六長衫六 高腳七輸到一棟都冇

雖然近年很少人打天九牌，但其實它的術語早已不知不覺融入大家的日常生活當中，引申出形形式式的俗語，如形容輸得一敗塗地的「一棟都冇」，正正來自打天九的術語。

侯志強說文解字道：「天九起碼要有一棟才能結牌，即是有權食胡，如果你連一棟都冇，即是你冇晒符，只能望住人。」

形容力保王牌爭勝的「單天保至尊」，同樣出自天九，意思就是打出一隻天牌，使其他玩家無法出牌，爭取下一回合出牌權以打出「至尊」。

「拎冧六、長衫六、高腳七，一隻大頭六。」這支在五、六十年代非常流行的歌仔，歌詞就是源自天九的術語：「就是將副天九背出來。」

天九每鋪輸贏可以倍數計，有沒有人為此輸身家呢？

侯志強再三強調，天九是健康的遊戲，賭博成分不高。玩家通常不會賭身家：「一般老人家出來玩天九唔會賭身家，都係搵啲魚籃錢。乜嘢係魚籃錢，即係買餸錢。」

「買餐餸屬於賭博還是其他？自己想像一下囉。」

至於天九協會未來有何大計？侯志強希望天九王大賽能跳出香港：「搞返個省港盃又得、國際性又得，一路將它發揚光大啦。」

他更豪言天九是考驗智慧的非一般遊戲：「你估賭百家樂呀、Black Jack（廿一點）呀、三公呀、十點半那些翻出來，係人都識啦！」

「這些是有智慧的人玩嘅！係咪？唔係咁叻嘅人玩唔到嘅！教你都唔識啦！」

撰文：忻肇康
攝影：傅俊偉

相關連結：
【侯強天九教室】天九非牌九 唔一定賭錢 兩大概念同你搞清
http://bit.ly/2GrmbZO

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...