【潮媽變「天鵝」】復出做歌手No way 何嘉莉狂「鵝」阿仔

早排何嘉莉亮相大台，仲唱返當年嘅首本名曲《兩種人》，即刻勾起晒班八十後嘅童年回憶，仲個個讚佢唱功好過以前，唔做歌手真係可惜！雖然好多網友掛住佢，不過已經做咗人阿媽嘅Lilian ，始終都係屋企行先，講到明做返歌手就no way ，仲話自己呢啲年紀都做唔成歌手喇！

15 年同機師男友結咗婚，原本已經有個囝囝Jean 嘅Lilian ，上年再追多個B女，啱啱湊個「好」字。 B女 Zoe 而家7 個月大，眼大大、白雪雪，似足媽咪咁靚。不過Lilian 都冇大細超，一樣咁錫哥哥，所以Jean 一啲都冇呻醋，仲幫手湊妹妹，好有哥哥風範架！

歌手做唔成，最近Lilian 簽返娘家英皇做KOL ，可一邊湊B，一邊開工，做事業型媽咪。早排《壹仔》就撞到呢位潮媽咪湊住阿仔行公園。見佢一路行，一路係咁「鵝」，不過阿仔都好乖，完全冇駁咀！兩母子拖住手，一齊由公園散步返屋企，個畫面不知幾咁溫馨！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...