【超人愛孫出巡】7歲孖仔高大咗又有主見 Isabella湊仔重遊拍拖舊地

89 歳嘅李嘉誠下個月正式退休，不過佢就唔洗怕退休之後冇野做喇！因為上年Isabella 已經秘密帶埋三個囝囝返香港定居，誠哥之後可以專心湊孫啦！

湊住李氏集團嘅「繼承者們」，Isabella 出入一向小心。除咗著得低調撲素，仲必備口罩。 呢日《壹仔》撞到Bella 湊住對孖仔重遊拍拖舊地，唔知大家仲記唔記得記得⋯⋯無錯！又係圓方喇！幾個月前，Bella 同四眼男新歡睇完戲去撐枱腳，又捽手、又咀咀，冧到呢！

不過呢次新歡就冇份喇！得Bella 湊住孖仔買飛睇《復仇者聯盟》。冇見一排，對孖仔又高大咗，有媽咪陪睇戲，兩個不知幾興奮，雞啄唔斷，笑到見牙唔眼咁！之後仲大聲唱歌⋯⋯

話晒係李氏後人，兩兄弟不知幾有主見，自己揀爆谷、汽水、薯片、雪糕。 買完野仲幫手拎野排隊入場，抵讚！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...