【籌備婚禮】距大婚7個月 木偶哥拖歐陽巧瑩旺角撲酒席

廿九歲嘅「木偶哥」林師傑，同廿三歲歐陽巧瑩，拍咗三年拖，終於喺上年除夕報喜。老闆何哲圖仲幫佢哋擇埋吉日，喺今年十一月廿三日就正式拉埋天窗喇。

計下數距離大婚剩返七個月，準林生林太係時候籌備婚禮！早幾日，《壹仔》就見到「木偶哥」同埋Tammy 揸車喺西貢屋企出發，直接去咗旺角一個商場。開頭見佢地漫無目的行黎行去，仲走咗入supermarket ，之後又去咗一間童裝鋪頭睇裙仔。 以為佢哋去shopping，點知兩個慢慢行去附近嘅帝京酒店，喺Lobby 呆等咗一陣，終於有人招呼佢地喇！

哦！原來係約咗酒店負責人睇洒席。之後兩個跟住負責人，急急腳直上咗酒店六樓嘅「喜宴堂」，見佢地好細心咁聽負責人意見。喺宴會廳巡咗一個圈，「木偶哥」仲擺pose 影相。雖然兩個坐低慢慢研究，但見歐陽巧塋不停問嘢，似乎婚姻大事，木偶仔交俾老婆話事！睇返啲資料，佢哋揀嘅「喜宴堂」係酒店最大嘅宴會廳，最多可以容納四十席，即係480 人，至於酒席就由$12388 到$21388 不等。搞咗差唔多成粒鐘，似乎應該有定案喇！見Tammy 一手拎住啲資料，一手繞住「木偶哥」，行去攞車返歸。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...