特工look現身 男神黃子華貼地搭港鐵

喺新戲入面，黃子華係一位為世界和平而努力嘅特工。早排，《壹》仔見到子華神一身特工戲服現身鬧市，唔通已經拍緊《棟篤特工2》？

《棟篤特工》上映短短4日，港澳兩地大收二千萬票房，加上男神地位，工作接到手軟，應該賺埋唔少，但佢依然好貼地，同一般打工仔一樣出入逼港鐵。

呢位男神特工，接受嘅訓練「從來都係吸引女人」。不過佢呢日出巡，竟然無被途人圍堵，如入無人之境。唔通戴咗個口罩之後，真係無人認得出佢？梗係唔係啦，大把人眼甘甘望住子華神呀！不過大家見佢頭耷耷咁，唔想打擾佢啫。

子華神由銅鑼灣搭到去中環，落咗車嘅佢明顯唔多識路，棟喺指示牌前研究咗一陣，先至半信半疑，靠估無痛苦咁走向出口。跟到最後，原來目的地係香港會，仲喺大堂打咗一輪電話先至上樓，斷估唔係參加宴會就係嚟開工。

BTW，唔知子華神拜年，會唔會一樣俾人問拍拖未？幾時結婚呢？好彩佢一早諗好答案：「世界一日唔和平，我好難兒女私情。」大家不妨學吓。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...