【音樂忘形水】聽障女用心去Feel 側田: 佢把聲好聽好感動

沒有聽覺，此生便與音樂絕緣嗎？天生嚴重聽障的方包學了結他差不多半年，「可能聽唔到係咩音，但你會感覺到，結他靠喺你心口，你會感覺到有冇彈錯。」她把節拍器戴在手臂上，再用手機應用程式調節拍子，節拍器就會隨著拍子而震動，她再跟著手臂上感受到的節拍彈結他。小時候，她也覺得自己做不到，「好細個嘅時候，見到人哋彈結他，好有型。但覺得冇可能，因為都係要聽。」長大後，她卻覺得其實也可一試，「生命冇take2，所以有咩想做就去做。」

「我鍾意側田，佢把聲好好聽，好容易聽得明白，同埋佢唱得好感動。」方包說自己偏愛男歌手，因為女歌手聲音太高頻，未必聽得清楚。即使聽得模糊，方包也有自己的方式去聽歌，「我會睇住個MV，嗰度會有歌詞，我會一邊聽，一邊感覺。我睇住畫面就會聽得明唱緊咩。」

除了聽歌有自己方式，方包亦會以自己方式剪片。方包曾參加過兩屆香港國際聾人電影節，其中一年更獲得第三名，現時她亦不時在其Facebook專頁「Hear More聽多一點」，上載由她及其聾人朋友製作的短片。拍攝、訪問、剪接、打燈通通由她們一手包辦，「剪片嘅時候，譬如會加中文字幕，咁要睇佢唇型講緊咩，然後打字幕。如果加背景音樂，我會用手摸喇叭，你會感覺到係大聲定細聲。」瓣數多多的她，希望給人知道，聾人有很多不同的能力，「畀人知道，唔係聽唔到嘢就做唔到嘢。」

撰文：鄭靖而
攝影：胡智堅

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...