【女追男歷程重溫】拍戲因利成便 顏卓靈明撬春夏男友白只

有留意開嘅人應該都知，顏卓靈係個戀愛大過天嘅人，同前男友超奀星錢行甩拖之後，見春夏對白只用完即棄，佢就人棄我取，更因為一齊合作新戲《大樂師：為愛配樂》，因利成便，成功證實女追男隔層紗。

據知顏卓靈同前男友錢行分手之後，無拖拍所以多咗返教會，認識咗白只。當時顏卓靈有意出碟，向有隊朱凌凌嘅白只請教，並發現男方幽默又識做戲，所以想試愛。

顏卓靈打探到白只因《踏血尋梅》同春夏撻着，又聽聞春夏對白只唔太認真，於是決定嘗試撬牆腳。當年《踏血尋梅》因金像獎搞慶功宴，唔關係嘅顏卓靈突然殺到，咪就係想主動出擊冧掂白只囉。

後來二人有好多合作機會，女方喺《大樂師：為愛配樂》入面被白只綁架，綁綁下又一齊跳落海浸水，當正沐浴愛河，愈行愈埋。

16年6月左右，佢哋仲俾人影到九龍城撐枱腳、公園談心、拖手兼激吻。

直到再拍《今晚打喪屍》，並肩而行又偷偷地擦下手背，白只拍劇拍到成身汗，顏卓靈就自動波上前幫手抹汗，服侍周到，順便公開戀情。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...