樂隊搞巡唱 何超儀台灣街頭執M巾

何超儀嗰隊Josie and the Uni Boys已經成立咗十年，為咗紀念十週年更大搞巡回演唱會，名為《We go Berzerka：explode into life》。上年年尾佢哋喺東京開咗四場，嚟緊嘅4月5、6日會喺香港藝術中心舉行一連兩場演唱會， 4月中就馬不停蹄喺台北、台中、高雄等地舉行一連四塲的搖滾騷。

呢幾日超儀連同樂隊去到台灣宣傳新歌以及演唱會，當去到台北HitFM電台做完訪問之後，所有受訪嘉賓都會按慣例，將自己嘅簽名海報貼喺電台走廊嘅海報板上。正當佢想將海報貼上去當眼處嘅時候，發現無位，佢就將Justin Timberlake嘅海報掀起，貼咗去牆底，自己嗰張就霸咗佢個位，佢仲笑笑口咁話：「佢貼咗好耐，唔怕啦！有邊個唔識佢！」。

喺台灣宣傳期間，有晚超儀喺街頭煲煙，突然間刮大風，便利門口啲M巾吹到一地都係，吹到佢人都企唔穩咁幫人執M巾，仲要幫人哋分類埋添，真係唔話得啊！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...