【又走一個】同魏焌皓做Buddy 拉丁Kai子何君誠約滿大台

N年前同魏焌皓一齊拍《愛回家2》嘅何君誠，有傳佢冇同tvb續約。

何君誠08年參加香港先生而入行，令人印象最深應該就係幾年前嘅《愛回家2》扮演Billy方嘉尚，佢同魏焌皓、陳志健三兄弟經常出現。

不過，近年代表作欠奉，播完幾個星期嘅《果欄中的江湖大嫂》就見到佢做阿Sir，但戲份就唔多。最近佢喺《大玩特玩》入面，因為經常被笑做拉丁kai子，加上又笑得燦爛，所以都引起唔少網民注意。亦因為咁有網民發現喺TVB男藝人嘅頁面到，已經搵唔到何君誠嘅資料。

正當大家見到佢為新戲《兄弟》密密狂操，又同一班藝人去練拳，套戲都未出世，何君誠就已經離開大台。無他嘅，許家傑、黎振燁、丁子朗呢幾位香港先生，後勁凌厲，佢哋嘅外型同拍戲嘅路線又同何君誠差唔多。既然大台未必捧自己，倒不如早啲另謀出路好過啦!

立即按此連結Download《壹週刊》: https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...