【《福爾摩師奶》余德丞阿媽】「無綫御用媽打」貼地搭地鐵 65歲盧宛茵食得清過衛蘭

近期扭開大台，睇到熱播劇《福爾摩師奶》，「無綫御用媽打」65歲盧宛茵都有份做，飾演余德丞阿媽。距離15號66歲生日仲有幾日，趁呢日唔使趕劇，盧宛茵一個人嘆lunch，不知幾爽。睇住電話食lunch，望吓佢食咩先，沙律配麥包，好健康嘅配搭，估唔到盧宛茵食得清過衛蘭！再望真啲，仲有杯紅酒添，畫面同感覺即刻輕鬆又寫意，呢啲咪叫quality of life囉！齋食菜都食得咁滋味，如果Janice想減磅，真係要學吓喇！食飽碌卡埋單，放番好個銀包，摺好張單走人，睇得出盧宛茵係個好有條理嘅人。右手抽住袋戰利品，左手拎手袋，唔知係唔係買生日禮物畀自己呢？話晒拍咗咁多年戲，盧宛茵點會冇人識，有阿媽級嘅粉絲拉埋個女，同佢合照留念。影完相，盧宛茵搭地鐵走人，夠晒貼地。
攝錄：陳亦龍
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...