【議員造型SHOW】麥美娟留長髮耳目一新 嫻姐話短髮好睇啲

喺立法會入面，睇議員針鋒相對睇到悶嘅話，不妨留意吓女議員嘅衣着打扮，隨時有驚喜。就好似Alice麥美娟咁，佢近半年開始留長頭髮，比起以前嗰個「做區」嘅打扮，長頭髮顯出佢富有時代感嘅一面，令人耳目一新。

《壹》仔翻睇Alice嘅facebook，發現佢喺舊年四、五月起，兩側嘅頭髮已經電攣咗少少，之後一直留長，告別佢留咗好多年嘅短髮造型。Alice同我哋講，「其實因為短頭髮咗好多年，中間換咗個髮型師。師傅就同我講『不如轉吓啦，留長啦』，佢同我揸主意」。

「同事或者朋友好似比較接受長頭髮，都有啲人覺得短頭髮好嘅，嫻姐（陳婉嫻）咪覺得短頭髮好囉。」Alice又講到，佢冇特別去買衫襯返個髮型，因為平時做嘢冇時間去行街shopping，多數都係網購，見啱就買。

問到佢會唔會就返開會議題去襯衫，佢就話只會視乎場合需要，開會就着得莊重啲，出街做嘢就好casual，例如着牛仔褲，搭對波鞋咁，冇話按議題去揀衫着咁細緻喇。

撰文：巫不言

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...