張智霖扭盡六壬安排浪漫活動 只為袁詠儀說句我愛你 卻換來……

張智霖同袁詠儀兩公婆一齊參與綜藝節目《妻子的浪漫旅行2》，期間Chilam接到任務，要令靚靚順利講出「我愛你」三個字。Chilam話靚靚唔係個重物質嘅人，單純送禮物俾佢唔足夠，所以就安排咗一場沙灘BBQ浪漫活動！
不過，靚靚一得知地點後都打咗個突，唔多受落：「咁凍嘅天氣去沙灘，你話點會浪漫呢。不過既然佢已經揀好咗，去就去啦。」到達目的地後，仲話：「一陣佢唔好提出啲咩『食完飯去沙灘漫步』，千萬唔好提出，我唔想對鞋入沙。」
靚靚抱住咁嘅心態出發，睇嚟Chilam能夠聽到「我愛你」嘅難度都幾大，而事實又的確係，靚靚都幾不解風情，講埋唔少令Chilam掃興、失望嘅答案，包括「會唔會等到明年都無得食？」「不錯！」「很滿意！」「太好了！」
等極都等唔到想要嘅答案，Chilam忍唔住話：「就一句太好了？仲有呢？」點知靚靚答：「無喇！」Chilam只能無奈苦笑。其實，靚靚之後仲有句更狠嘅說話：「唔好再肥落去喇。」
雖然最後靚靚終於get到老公想聽「我愛你」，但已經太遲，任務宣告失敗。不過，成個過程好搞笑，就算一啲都唔甜蜜，但反而有真實唔做作嘅感覺，更似一對活生生嘅夫婦。比起喺鏡頭前糖黐豆、甜言蜜語，佢哋睇落更有愛。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...