【萬人空巷】周杰倫遊山頂 昆凌嘲笑：你的蠟像怎樣這麼瘦啊！

咩事令到班OL咁興奮呢？之唔係周董出巡囉！

啱啱唱完十場紅館個唱，周董啲飛比黃牛炒到過萬蚊張，就知佢幾有魅力啦！昨日周董出巡拍香港特輯，仲搵埋老友余文樂幫拖，兩位型男合體，又難怪場面失控。

話說一朝早，周董同余文樂已經喺酒店出現，兩個一見面就雞啄唔斷，攝製隊仲出動埋藤原豆腐店嘅AE86 戰車喎！到下晝大隊轉場去華嫂冰室，周董坐低歎蛋治，女仕們，就隔住塊玻璃望住都飽喇！之後團隊直踩中環，唔洗講場面梗係更加控動。周董喺石板街逐間鋪頭介紹，之後仲興起表演魔術，唔怪得呢女仕唔捨得走喇！攝製隊幾經辛苦驅散人群，用咗大半粒先完成拍攝。

之後周董再轉場去山頂同自己個蠟像影相。點知比老婆昆凌笑佢：「你的蠟像怎樣這麼瘦啊！」班粉絲就梗係撐硬周太啦！不過睇真啲！周董條腰又真係好似粗咗一個圈喎！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...