【半裸哂肌】即場100下掌上壓擔正男一 曾少宗帶「台妹」進軍內地

擁有一張不老童顏嘅曾少宗(Figaro) ，出道以嚟先後參演過無數戲劇、綜藝節目同舞台劇，係偶像劇「惡魔在身邊」顏值爆表令人深刻印象。近年來可謂戲接不斷，上年已接拍逾七部影視作品，深受影視圈矚目。近日台灣緯來電影台與優酷合拍電影，邀得曾少宗飾演新戲男主角，日前係台北舉行電影發佈會。

新戲入面飾演富家公子，知道要半裸哂肌，曾少宗事前早有準備，花咗兩個月時間健身操Fit，每日淨係食水煮、低碳水化合物，為求呈現最佳視覺效果，拍攝當日更即場做一百下掌上壓先埋位，認真專業！

戲中曾少宗要與不時扮演女僕嘅林芯蕾飾演一對歡喜冤家，因造型台味十足加上不時擺出奇怪動作，戲裡戲外都笑料百出！林芯蕾自爆第一次拍親密戲就獻俾曾少宗！仲即場示範點擺不合乎人體工學姿勢。

記者會上一眾演員更承諾如果新戲收視好，曾少宗會率領其他男演員齊齊反串著女僕裝慶功，更搞笑話驚自己到時候扮女僕會省鏡過女主角林芯蕾，引得全場發笑！新戲星期日晚上首播，更會登錄內地平台「優酷」，係曾少宗進軍內地嘅黃金時機！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...