【經典〡攻擊四太非正室】林依麗寸四太搶人老公冇資格做總理 四太：我正確途徑入局

四太在東華三院碰壁，旋即轉軚向本港第二大慈善機構保良局埋手，還請來高官好友幫忙做說客，〇四年九月又以個人名義捐三十萬給保良局，為做總理鋪路，翌年一月終成功入局成為保良局總理。

賭王為賀四太晉身總理和她的四十五歲生日，二人飛去曼谷旅行慶祝。但就在四太三月廿三日生日當天，言論向來出位的前保良局總理林依麗，開記招反對四太入保良，理由是四太並非正室，搶人老公，搵完錢又想出名，完全違反保良局「保赤安良」宗旨，又大爆四太在雀局中「鬆章」幾百萬給孫明揚太太，以求助其入局。

而梁安琪當年就回應話：「我鬆踭就識，鬆章就唔識啦！我係從正確途徑入局。」之後林依麗又再開記招，指四太要鬆佢踭，又話收到恐嚇電話，好驚會俾人殺死。對於林依麗的胡言亂語，賭王就話：「我唔信佢反對到，都通過晒，都係做善事啫，啲人攞嚟搞。」最終四太順利就職，但就惹來不少是非。

不過一般總理要排廿年才輪到做主席，但四太只用了十年時間就坐正，比其他總理足足快了十年；而她當總理期間，為保良局共籌得六億多，當中八千萬是由她與賭王捐出。

撰文：壹週刊編輯部
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app

相關新聞：
【經典〡四太捲四億黑錢風波】三、四太爭做總理 梁安琪「乜都要贏」被拒入東華
https://bit.ly/2ssHaGA