驚見！側田做龍舟鼓手 袁詠儀張智霖野生捕獲合照

咦，呢個咁似唱《命硬》嗰個側田嘅？點解佢會喺條龍舟上面打鼓嘅？「鴨脷洲嘅洪聖（爺）誕，我年年都會參與，因為我係呢度嘅街坊，我都搬咗嚟呢度好幾年，好鍾意呢度嘅三個字，就係人情味，所以每年呢度佢哋扒龍舟、點睛，我都會嚟打鼓，但係我打到甩晒beat！好玩呀，最尾有得潑水。」咁我哋跟住佢，睇吓佢打鼓打成點先？

都喺現場嘅袁詠儀，見到側田好落力咁打鼓，比晒叻叻手勢佢，好給力呀！上到岸，側田即時俾袁詠儀同張智霖捉住影合照！雖然側田唔係喺鴨脷洲長大，但佢住咗呢區幾年，同啲街坊好老友，行到邊都會同街坊打招呼，又鍾意落街市幫襯，真係估佢唔到！咪住，側田有嘢想同大家講呀！「今日呢條街會封咗，有舞獅、飄色呀，好精彩，一年一次，希望大家下年嚟，通常三月尾，春天開始。」而家等我哋快速倒帶，睇睇側田前一晚搞過啲乜！原來，星期六晚側田去咗做annual dinner表演嘉賓，現場氣氛好好，仲有人上台同佢大合照添！

相關新聞：

【係好愛呀！】張玉珊點龍睛high到跳舞 張智霖袁詠儀自拍放閃
http://bit.ly/2G8MfwY

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...