拖女友名店任揀包包 Edison 坐住等比錢

今日阿嬌就喺美國嫁人，升呢做幸福人妻。佢嘅舊愛Edison 都一樣有個幸福家庭喇！

自從上年升呢做咗人老豆，Edison 有女萬事足，仲變埋晒B狂魔，慈父樣出曬黎！

近年主力攻內地嘅Edison ，已經甚少喺香港出現。呢日竟然比《壹仔》撞到佢同女友秦舒培喺中環名店出現。女友就好積極係咁睇衫試手袋，Edison 就好明顯係坐住等比錢啦！

咦？揀咗大半粒鐘，似乎有收穫喇喎！碌卡走人！戰利品交比助手拎住，Edison 就拖到女友實一實，沿路一直冇放過手。之後兩個仲撇甩助手，去咗酒店撐枱腳。飲完杯野，兩個上咗部七人車返歸喇！以前一向貪玩嘅Eidson ,而家咁體貼咁識照顧老婆，《壹仔》直情覺得佢變咗第二個人咁呀！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...