【冚家勝利組】大女牛津二女劍橋細仔哈羅 天仁茗茶老闆話一個秘訣

「天仁茗茶」香港特許經營商賓仕國際（1705）前日（14日）上市，股價首日升成三倍，主席陳錦泉同股東們都皆大歡喜。股價靚，陳主席的千金一樣美貌與智慧並重。陪爸爸出席上市儀式的大女Tinny笑起來，同章子怡有幾分相似，原來仲係資優生，依加喺牛津讀法律碩士，畢業後會做律師，唔會加入賓仕。

原來妹妹同細佬一樣係天之驕子，一個喺劍橋讀法律，一個喺倫敦哈羅讀書。一門三傑，其實爸爸媽媽都係讀得之人，陳錦泉係香港大學翻譯系畢業，太太田巧玲就喺倫敦大學畢業，現職律師。除咗基因，陳主席後天點樣培養三個叻仔叻女呢？佢就話，無大秘訣，最重要係要仔女睇書，培養閱讀習慣。仲話如果上市同仔女畢業禮同一日，佢一定唔去上市儀式。嘩，Tinny佢哋三姊弟聽到肯定冧爆！

撰文：財經組

相關連結：
【熱爆天仁茗茶】一個機緣發達 港男老闆：搵啱自己杯茶
http://bit.ly/2ImHpK2
【熱爆天仁茗茶】香港原創有幾好 鐵觀音軟雪榚反攻台灣
http://bit.ly/2GgWdJq

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...