學戲捱苦 《女兒國》陳雅麗食足一年杯麵

陳雅麗北上進修兼留京發展，捱足整整一年杯麵，keep住同阿媽喊住傾電話，現在總算開始有人認識，電視、電影輪住拍。

【日日喊】
陳雅麗坦言天氣、飲食、文化無一樣適應，加上無工作零收入，為了慳得一蚊得一蚊，一日兩餐杯麵搞掂，足足一整年，直到進修完成情況先有改善，她說：「我知道呢次係攞我啲積蓄賭一鋪，所以真係要死慳！同我媽咪傾電話係我唯一嘅娛樂，佢係一個好眼淺嘅人，成日驚我一個女仔無湯水，自己一個人又有homesick，每次傾親電話兩個都係喊住收線。」
返學幾個月，公司安排陳雅麗電影試鏡，原意只是想她知道試鏡是什麼一回事，沒想到第一次一擊即中，接下人生第一套電影《潘多拉的寶劍》。「去casting之前公司已經同我打晒底，叫我唔好抱太大希望，成日會俾人turn down，無諗過第一次會咁順利。」

【留京六年】
年僅三十歲的陳雅麗，香港出生，早前，被封陳嘉寶美女姊妹，即被網友起底，自小兼職模特兒的陳雅麗，在學期間拍過多個電視及平面廣告，11年大學畢業後，被電影公司安排到北京電影學院進修，花了六年時間留京讀書、拍戲，連不少香港演員都以為她是內地女仔。
從小角色做起，陳雅麗於內地有不少演出機會，拍過電影《潘多拉的寶劍》、《不賤、不散》等，曾跟惠英紅、劉亦菲等合作，亦試過面試荷李活電影《變形金剛4》，可惜最後三強被淘汰，去年受公司欽點力捧，首次演出大製作電影，現時經常中港兩邊走。

相關新聞:
小model搖變鉅製演員 陳雅麗隻身北上放棄一切
http://bit.ly/2Eokag3

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub