絕種好老公 霍啟剛湊仔買花氹郭晶晶

霍家公子霍啟剛出晒名係絕世好老公，平時一家大細出親埠，霍啟剛一次都做阿四，對老婆仔女服侍周到，連奶粉袋都幫老婆拎埋。已經生咗一仔一女嘅郭晶晶，平時主力照顧就快一歳大嘅B女，咁湊仔重任就交比老公啦！

早排《壹仔》又撞到霍啟剛做湊仔公，湊住阿仔去超市入貨，而且仲早有準備，拎住兩個大大嘅環保袋。入到supermarket ，Lawreance 第一時間去花店揀咗紥，之後仲一路揸住喺手唔放，應該係送比媽咪啦！霍啟剛推住阿仔揀完乳酪，四歳大嘅Lawrence 意見多多，不停手指指叫爸爸買呢樣買嗰樣，原來想叫爸爸買灣仔碼頭水餃。一向順得人嘅霍啟剛，就梗係聽曬阿仔話喇！阿仔話買乜就買乜！

最後兩父子推住一大車戰利品去比錢！走嗰陣霍啟剛抽住兩大袋去攞車。至於Lawreance 都有幫手！拎住啲花跟住爸爸行，做咗哥哥真係唔同啲！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...