【屋邨妹飛上枝頭】《飛虎》王敏奕靠曾志偉兒脫貧 千呎豪宅同居

曾志偉嘅新抱仔王敏奕，喺大台出緊街嘅劇集《飛虎》裡面，可謂萬綠叢中一點紅，加上有樣有演技，網民好like。

其實佢出道已經12年，住公屋嘅佢，同曾國祥拍拖之後，一齊都被改寫。

06年出道，由model仔做起，導演麥曦茵曾經係佢經理人，單親家庭長大，同阿媽及一個細佬住喺柴灣公屋。早幾年本刊曾發現佢唔使開工嘅日子，要幫阿媽湊細佬返學，又買餸煮飯，典型屋邨妹寫照。

直至14年佢遇上曾志偉兒子曾國祥之後，從此撤離公屋脫貧，同曾國祥喺九龍塘千呎豪宅同居。

生活幾級跳，不時拍拖外遊嘆世界，至於工作亦有未來老爺做靠山

，所以同曾國祥一齊冇耐，就飛起恩師兼經理人麥曦茵，據知麥曦茵為此好唔開心。

誰是誰非也好，前事已過，最緊要依家生活同工作都更上一層。曾國祥改寫王敏奕，而佢亦將底花嘅男友，改變成專一男人，兩個不時喺網上放閃，真係打風都打唔甩！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...