張秀文大開中門 葛民輝集中精神望實

德晉集團噚晚(25/3)喺澳門舉行春茗晚宴，集團行政總裁陳榮煉名早前入院做手術嘅太太安以軒十指緊扣出現，嘉賓方面，就有郭富城、周柏豪、胡彥斌、謝金燕等，不過全晚最搶fo嘅都係司儀張秀文，著住Deep V性感晚裝嘅佢大開中門，搞到拍檔葛民輝全晚目不斜視，專心望住呢位靚女。佢話：「非常滿意今年有張秀文做拍檔，但強調唔係因為佢打扮性感，而係因為廣東話同普通話都非常流利，令佢好放心。」問佢秀文性感打扮會唔會令佢分心？阿葛就笑住話：「我會集中精神望住佢……手上嘅Cue卡！大會每年都安排靚女同我合作，令我好期待。」

壓軸表演嘉賓係天王郭富城唱咗《對你愛不完》同《動起來》後全場high爆。佢話：「年假已經放完，要投入工作。聽日（26日）去北京，為4月開拍新電影準備，今次要拍幾個月，所以近日忙住還廣告債。」 雖然唔係經常去澳門，但城城每次來到都覺得好靚，遲啲有機會都會帶囡囡去澳門玩。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...