【獨家】新年冧爆未來拿督外母 楊明又拖又扶莊思明媽

人哋話「外母見女婿，口水嗲嗲渧」。楊明啱啱相反，見到女友莊思明阿媽好似見到皇太后咁，全程傍實又拖又扶，外母件褸跌晒膊仲嗱嗱聲幫手著返好，驚死凍親外母咁，冧死人咩！

大年初二，難得拿督外母返港過年，楊明揸車載莊思明兩母女到淺水灣天后廟拜神，沿路服侍周到，小心翼翼扶實老人家落樓梯，見未來外母背心外套跌晒膊，又細心幫手著返好。之後右手扶實未來外母，左手拖住女友，先慢行去附近餐廳歎杯咖啡先，途中岳婿二人不知幾好傾，講到笑騎騎咁，睇得出楊明好得女家長輩歡心。

餐廳在望，原來一早開晒綠燈、大讚楊明好仔嘅大姨莊思敏已經搵好位等緊。
坐咗陣，一行三人又再出動，狗年想行運，見到可愛狗仔撚兩嘢是常識吧！然後楊明繼續拖住一老一嫩行去天后廟。

買好香，楊明二話不說幫手點火，大獻殷勤，再各自上香鞠躬，表現恭敬。
拜完神，楊明、莊思明先去沙灘過下二人世界，期間忍唔住卿卿我我、又攬又咀。驚未來外母、大姨等得耐，未夠喉都唯有忍下先，快快趣返餐廳交人。
等到長輩飲飽食醉起程返歸，佢兩個先留低開始拍拖。

楊明呢日表現一百分，絕對「順得哥情不失嫂意」！

相關新聞:
莊思明天生少奶命 楊明攞視帝先肯嫁
http://bit.ly/2EXh8Tw

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...