【兩會期間●轉戰網絡】兩會繼續爆料 郭文貴自創老翻Twitter

兩會期間的敏感時刻，維穩功夫更加要捉緊些。流亡美國的中國富商郭文貴密密爆中共高層黑材料，多次被社交媒體封殺，其Twitter 和 Facebook 對上一次更新已經是去年十一月。但有錢就是任性，被封殺的郭文貴冇有怕，索性自己開個新平台「Guo Media郭媒體」，介面同Twitter似到十足十，只係LOGO隻雀仔就變咗隻鷹。

最近中共公布，提議修憲取消國家主席任期限制，郭文貴就話，修憲目的係為左自保。「（王岐山）他只是恐懼。甚麼修憲，都是假的，就一個目的，自己活著就是了，別給抓起來。」我哋嘗試聯絡郭文貴，不過佢就冇回覆。

郭文貴去年針對王岐山追擊爆料，話王岐山同海航有秘密關係。但王岐山似乎一啲都冇受影響，仲有望回歸權力核心添。雖然舊年十九大，佢按傳統卸任常委，不過就不依慣例，繼續當選人大代表，今次兩會期間更加緊隨七常委入場一齊坐，猶如「第八號常委」。外界推測，王岐山很大機會將會出任國家副主席，有望同習大大一齊永續佢哋「習王」皇朝。

 

撰文：林三

 

相關連結：

【惹火事件簿】流亡富豪郭文貴 頻爆中共高層大鑊
http://bit.ly/2FE1RHQ

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...