【俾萬梓良拳打腳踢】吳啟華劈炮罷拍

網民近排講緊真打熱播劇《流氓大亨》，萬梓良喺入面鑊鑊真打對手，其中師奶殺手吳啟華都試過俾萬子打到瞓地，無端端俾人拳打腳踢一餐，有話入行無耐嘅吳啟華當時嬲到要劈炮。數吓手指，吳啟華當年入行無耐，同萬子做對手戲，以為拍戲啫，點知劇入面做花花公子嘅啟華，講咗幾句唔負責任對白之後，真係俾人起勢係咁打。

一睇就知戲入面嘅對打場面唔係就位啦。打完之後，啟華仲要俾佢壓喺地下。唔夠。再打。再箍埋頸。其實當時啟華有反抗㗎，有傳佢即時同無綫講劈炮唔拍。不過打人嘅萬子都係肉緊部劇啫。

最後點收科，萬子繞以大義，話俾啟華知就咁走咗去，只係破壞自己前途。唔單止咁，仲送咗隻古董錶俾佢賠罪。結果呢。吳啟華順番條氣，憑萬子呢份肉緊、認真同投入，成就咗一部神劇嘞。

相關新聞：

【俾萬梓良真摑】《流氓大亨》萬子細佬 王書麒:嗰巴好大力 預咗硬食

http://bit.ly/2pyFAB9

【《流氓大亨》萬子對手】鄰居同僚為電影《同囚》監製 前度「阿娥」任政協

http://bit.ly/2pxItD8

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...