【八卦陣】團拜祝酒冇人理 葉劉人日食檸檬

鄉議局喺農曆年初七「人日」按傳統舉行一年一度新春團拜，雖然特首林鄭月娥話過，因應早前九巴大埔公路車禍減少出席新春喜慶活動，但今次多個司局長幾乎總動員，連同中聯辦主任王志民，會場官蓋雲集，顯示鄉事派仍要係政府重要箍票對象。

正當團拜活動進入尾聲，台上嘉賓互相祝酒，祝願新一年事事順利時，但係身兼行會成員嘅新民黨主席葉劉淑儀，就不太受到眷顧嘞。雖然葉劉的鮮紅色上衫在台上眾人當中甚為搶鏡，但都係冇乜人主動搵她祝酒，她也無從走進人堆中祝賀一番。於是同周圍的來賓祝完酒，就攞住杯行落台與其他來賓談天，又講起電話上來，嘉賓切金豬時仲只係企喺遠遠一邊，陣陣酸葡萄氣味接連飄至。

葉劉新年流流就食檸檬，反映她人緣認真麻麻，《壹》仔就諗返起她喺三年前的農曆大年初二跟隨一眾鄉紳去車公廟為香港求籤，未入大門就俾麒麟撞到應，之後幾乎行足一整年衰運，撰文談外傭問題搞出種族歧視風波，年中政改表決甩轆淚灑電台等等，睇嚟鄉事活動並唔係當旺葉劉嘅主場。

 

撰文：巫不言

攝影：韋平

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...