【八卦陣】區諾軒造勢集氣 周庭DQ前宣傳片曝光

立法會補選臨近，區諾軒上星期六喺愛丁堡廣場舉行嘅造勢大會，泛民各個黨派都有派人撐場。佢會後接受我哋訪問時話，講到陳家珮選舉期間忽然加碼批評領展，佢就回應話「我相信選民係有智慧……唔係選舉（擇）臨時話爭取嘅候選人」。

當晚嘅造勢大會喺夜晚七點左右舉行，有幾百名市民參與。李柱銘、梁家傑、未凱迪、黃之鋒等都有上台講嘢，一向支持民主運動嘅明哥黃耀明亦上台唱咗兩首歌為區諾軒加油。區諾軒喺台下聽到眼濕濕。

大會仲播咗一段周庭被DQ前嘅一段宣傳片，區諾軒有份出鏡同做旁白，估唔到呢段宣傳片今日變成佢嘅宣傳片。

另外，周庭喺造勢大會前一晚，仲同區諾軒老婆，將區諾軒嘅辦事處，佈置成日本動漫《銀魂》嘅「萬事屋」咁，周庭自己就cosplay動漫角色「神樂」。萬事屋係一個保存初心嘅地方，周庭希望區諾軒可以有力勇往直前，又幾有心思喎。

搞笑嘅係，區諾軒係《銀魂》嘅擁躉，一望就知「悉穿」周庭嘅計劃，睇到自己辦事處變成萬事屋後，笑住口咁講「搞到咁點算呀？」

立法會港島補選候選人另有新民黨陳家珮、任亮憲及伍廸希。

撰文：巫不言

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...