【成本1萬賺350萬】日劏2000隻海鮮 漁民後代搞網上海鮮店遭家人反對

漁業曾經是香港最主要的產業之一，因時代變遷，不少水上人家轉移到岸上生活，現在仍堅持以船為家的少之有少。Kenny就是漁民後代，當初和好朋友兼中學同學Jerry一同從事保險業，但他們認為自己並不是做保險的材料，兩年前拿著一筆積蓄在創業與打工之間徘徊，最後以他們獨有的優勢，創立自家網上海鮮店。
「人人揀海鮮都會擔心唔夠新鮮，個個都係親自揀，或者見到好生猛先會食、先去買，所以呢啲好靠口碑。」Jerry十分明白這盤生意最重要的元素-----新鮮。萬事起頭難，他講起最初開始經營的兩個月，「最誇張係凌晨六點搞到下晝五點，我記得係母親節，好多單，你又要包裝又要處理又要送貨，但都開心嘅！」
他們倆最初以兼職形式「打兩邊工」，剛好保險業的上班模式較彈性，容易分身。他們認為既然要創業，該好好利用自己的優勢。就這樣，靠著Kenny的「父幹」，成功了一半。「當時覺得做生不如做熟，就諗起一啲傳統行業，點樣用新式方法去做，就諗到網上海鮮呢個靈感。」Kenny坦承父業的確是很大的助力，使崎嶇的創業的變得較為平坦，「其實一開始我諗用咗好少錢，大概一萬蚊左右，主要在marketing(市場推廣)上，因為好多都方便咗。」
當外人都以為漁民世家的後代經營海鮮，是十分等閒的事時，他遭到父母極力反對。「其實外人睇落成件事好順理成章，有自己嘅船自然屋企人會支持你做呢行，其實相反。一開始屋企人我可以用極力反對形容，第一我哋唔熟悉呢行，雖然本身做漁民世家，但轉咗網上平台冇人試過，叫我哋有時間不如去進修吓，多個學位搵份穩定嘅工好似穩陣啲，唔建議我去冒險，所以開始嗰時阻力好大，最大阻力係家人。」
憑著他倆的堅持，到現在生意有起色，成功改觀家人看法，「有時我哋收到客戶回應話海鮮唔夠凍，我們都諗左好耐，同運輸傾咗好耐唔知點處理呢個問題，依家儘量出貨前先劏好、洗好，之後包裝環保袋入冰袋再畀司機，可能同一時間就會用六、七 、八個司機送貨，唔可以單靠一個。」
即使運輸成本增加不少，但為了要保持食物質素，Kenny說不會選擇別的方法，這是他們對客人的保證。由零開始，總會試過碰壁。「有次我哋師傅唔記得放冰袋入去，咁啱又遇到塞車，個客六七點先收到貨，入面嘅海鮮打開袋已經聞到臭味，Feel到唔對路，嗰次即刻同個客道歉，好彩時間夠，我哋搵行家幫手送同一樣嘅海鮮俾佢補償。」
談到漁業式微，Kenny嘆息：「我父母其實都想我繼承呢行，但口講想繼承，做父母都唔想仔女咁辛苦做呢行，24小時都要出海，而家變相用另一種方法，直到現在上網賣海鮮來繼承佢，就算你說屯門、筲箕灣、流浮山或者茶果嶺，越來越少後生做呢行，簡單講青黃不接，所以希望透過網上平台再去振興香港市場，如果唔係就無人接手。」
撰文：陳穎妍
攝錄：鄭樹清


「壹起出手，撐新聞自由！」
立即免費訂閱《壹週刊》
登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱《壹週刊》！ 免費無阻睇盡全部精彩內容
http://bit.ly/2UWG7hI [/c]

壹週刊 : https://nextplus.nextmedia.com/
即 like 壹週刊 fb : http://www.facebook.com/nextmagazinefansclub