【爆當年扮玉女】關心妍幫拖 張栢芝：唱得比我好聽

早前，張栢芝為「愛奇藝」嘅對談真人騷做嘉賓，佢仲搵埋老友關心妍上去，接受李浩林嘅提問，一路玩遊戲一路食吓嘢飲吓酒，好輕鬆。一向敢作敢言嘅栢芝，講到敏感嘅男女問題時，仲話精神上出軌比起肉體上出軌嚴重！節目中段，Jade玩遊戲輸咗，即時接受大懲罰，要唱栢芝首《星語心願》，唱歌對唱家班嘅Jade嚟講又點會係懲罰？唱之前佢竟然話：「太難喇，忘記歌詞！」雖然佢口講話難，但佢一開口就入晒首歌度，連原唱嘅栢芝都話：「唱得比我好聽多喇！是我唯一唱到現在廿年了！」聽到栢芝咁講，李浩林忍唔住話：「係你嘅成名曲喎！你唱嚟聽聽！」已經絕少開金口嘅栢芝撒嬌：「唱唔到！我都未輸！」結果，李浩林同Jade聯手夾攻，令栢芝玩輸遊戲，即場要求佢唱《任何天氣》，點知栢芝好爆咁話：「很難唱，那時候還給公司把我假裝成玉女！我唱她（關心妍）的歌吧！」最後，栢芝得到Jade伴唱，清唱咗幾句《全因為你》。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...