【8億身家行平價時裝】莊思明楊明感情穩定 莊思敏心急跟阿媽去大馬相睇

莊思明2016年開始同楊明拍拖，而家兩個感情穩定，楊明不時都會出席莊家嘅聚會。證明8億拿督已經認定咗呢個未來女婿，結婚係遲早嘅事。細女就好事近，但大女莊思敏就仲未有著落，仲話見到個妹咁Sweet，佢都好心急想拍拖，可惜一直都未有機會。
嚟緊新年，兩姊妹會返大馬過年，莊思敏仲自爆會跟阿媽去相睇，睇吓會唔會遇到好對象。
兩姊妹不嬲都好孝順，成日抽空陪阿媽。呢日佢哋就陪阿媽行街，莊思明戴住珍珠畫家帽，雖然阿媽上咗年紀，但都戴住大大個蝴蝶結頭箍，好Kawaii。估唔到坐擁8億身家嘅一家人，竟然唔係行名牌，而係去睇平價時裝店。莊思明同阿媽一齊睇特價女裝，阿媽仲幫個女揀埋一份。不過揀完一輪都無收獲，三母女就走人。見到佢哋有講有笑，睇得出佢哋感情好好。莊思敏講過如果相睇成功，想一年內就結婚生仔，咁嘅話，分分鐘仲快過細妹畀阿媽湊孫啊！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app