【當年味之天使雜果賓治】陳宛蔚嫁錢國偉做人母一年 為湊B不打扮

女人唔keep真係可以好大變化！錢國偉老婆陳宛蔚，以前話晒都係味之天使，索女一名。點知早前撞見佢，真係差啲唔認得。
對比起以前嘅索靚正年代，做咗人母大約一年嘅陳宛蔚唔單只樣殘咗、髮線高咗，個肚更加……唔通又有咗？只能夠話做人母親真係好偉大，為咗BB犧牲咗自己好多。
雖然外形大變，但反而多咗幾分老婆味先有嘅霸氣！事關佢同錢國偉喺宜家傢俬餐廳食飯，買餐期間，眼神配合手勢指揮老公，真係好有架勢。
外形有啲走樣，態度又咁強勢，會否嚇到錢國偉要出去搵安慰㗎？話晒佢以前不時傳緋聞，成日追吓呢個又追吓嗰個㗎喎。相信就唔會喇！陳宛蔚始終陪佢走過人生低潮，即係當年陳志雲事件，牽涉到仍喺TVB打工嘅錢國偉被ICAC查。事件導致錢國偉喺TVB好似坑渠老鼠咁，啲人一見到佢就調頭走，令佢嘗盡人情冷暖。好在，當時陳宛蔚一直陪住佢鼓勵佢，就算佢喺廉署飲咗三十個鐘咖啡，陳宛蔚都喺ICAC門外等。所以，一個咁好嘅老婆，稍微修修身再化返妝，又係索媽一個啦！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...