【同樣壓力爆煲】楊柳青喊住講打女之苦 導演停工3個月同200磅大隻男對打

香港人有壓力。
電影《入鐵籠》導演陳翊恆和女主角楊柳青，在不同崗位，同樣有壓力。如何解決？兩人對談，導演親身經歷過：「拍緊《紮職》時，我記得搭地鐵，去觀塘辦公室，我無落車，直情留喺車入面，去油塘才搭番轉頭，其實我已經遲到，但我真係無辦法，會心跳腳軟。我知道去到現場會見到一班演員，會有一百五十個古惑仔攞住刀，我係完全接受唔到，以前拍嘅電影時間比較長，整件事都會感覺安全。因為覺得拍電影嘅壓力太大，所以有一位前輩同我講，話如果真係覺得壓力大，應該學一樣比拍電影更難，佢介紹咗我去學巴西柔術。三個月之後，師傅就推咗我去比賽，當然最後係輸咗啦，但畀我嘅經驗就係，原來拍電影嘅現場壓力，相比上台比賽可能只百分之十，對我嚟講係一段啟發時間。」
拍電影遇到的一切，跟在台上和一個二百磅重的大隻佬搏鬥，那種恐懼，陳翊恆覺得不能相提並論，衝破困難豁然開朗。他表示現在給他甚麼預算、甚麼情況底下，他相信都能拍好一部電影。
女主角楊柳青，出道立定決心行打女路線，她說：「我唔係擔心外貌皮膚，係驚自己喺打方面做得唔好，始終由第一日開始決心，做武打演員，如果喺呢方面做得唔好，條路就會行得更辛苦，因為連打武打戲都做唔好嘅話，所以我嘅壓力係來自武打。」一切恐懼源於內心，誠如導演所言，要懂得自我釋放。「做運動可以令我減壓，而家會多咗睇書，導演又送咗本書畀我，又會睇電影，以前唔識得做一啲嘢去令自己冷靜，成日都只會向前衝。好似一頭牛咁，覺得我一定要做到，唔可以失敗，好要面子，唔想輸畀人睇。其實我不過是個人，可以做唔到，可以做錯，反而冷靜落嚟，事情會變得更加好。」她說。
她感激導演，在拍戲期間，不斷鼓勵，給她正信息，令她很感動。
陳翊恆說第一次跟小青見面，她當時已立定決心做打女，看她講學甚麼功夫，如何辛酸，他已能想像到她成功的畫面。

立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app 




《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...