【來自日本】疑投資騙案爆煲 苦主：出咗事瞓唔着

投入五十萬成為「Japan Life」「短期貨主」的李太，準時收息大半年後，去年十一月進入惡夢的開始，「到十一月聽到日本出咗事，聽到真係瞓唔着。」當時日本政府對「Japan Life」母公司採取執法行動，她從友人口中得知事件「話我聽話日本出咗事啦，沒利息啦，咁樣，都好驚好驚，到處商量點算好，走去同佢地講，就話日本方面打過來說運作也是正常，你們也唔駛驚。」

不過，一個月後「Japan Life」停止派息，到公司交涉沒有結果「完全都係唔知道，因為我們又唔識聽日文，佢又唔講、香港啲人又唔知。但我哋本身好少參加佢啲野，穩穩陣陣攞啲利息，就乜都冇理。」李太形容公司只一味推搪與拖延，即使聲言報警也不得要領：「有次上去話會報警，『七號出糧啦，唔好報警呀，等下先啦，就係咁講。』」敷衍過後，「Japan Life」依舊沒「派息」，「一拖二拖三拖四拖，拖到𠵱家咁囉。」「以前地哋就乜都知，𠵱家有事就乜都唔知。」

據李太所觀察，當時到辦公室追討者大多是長者「幾乎都是，全部都是，但之前我係不知道的，上去的都是老人家，買的時候都沒有見過他們的任何人，只係信我朋友。」「到出咗事上去，幾乎都是老人家。」直至訪問當天，李太仍未有就事件報警，只向區議員求助。協助苦主的公民黨油尖旺區議員余德寶透露，「Japan Life」一方面安撫員工及核心會員，宣稱公司仍正常運作；日本總公司會發放獎金予成功阻止客戶退款的職員，香港方面亦可能會同樣為員工提供誘因去積極遊說。

余德寶又指，「Japan Life」銷售手法幾同行騙：「以健康產品為名，但實質是投資騙案。」指八至九成求助苦主都是與李太相似，都是未見過貨物的「短期貨主」，「只有長期貨主制度下，才可在二十年後取回貨品，而知道那是甚麼。」至於這些貨品能否確實「收租」也是疑問：「據我問過較資深的員工，它有將貨品租給其他人，而數量不多，一定無投資者咁多。」

余又表示該公司臨近「爆煲」前更推出「五年集資計劃」，投資者甚至沒收取過任何利息公司已爆煲，一無所有。他質疑「Japan Life」不單涉嫌「種金」、「層壓式推銷」，更有非法集資之嫌，已去信證監會要求調查。

伴隨着失去金錢，李太還睡不安寢，健康變差，她亦怕家人知道事件鬧得家嘈屋閉，除了向區議員求助外已經無處可傾訴，身心俱疲，只能寄望傳媒發聲，盼有助討回公道「希望你們傳媒幫手囉，做唔到任何嘢，我哋又唔識、又冇常識，乜都唔識，我哋又做到乜嘢？」言談間流露出面對茫茫前路的無力與無奈。

撰文：忻肇康
攝影：王晴

相關連結：
【傳銷陷阱●專呃老人】墮傳銷局50萬退休金全失 苦主自責：好淒涼無知
http://bit.ly/2DL96sx

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...