【被指搞人夫】高層勒令禁仔埋身 蔡思貝又攬又拖張㬢雯

入行四年，蔡思貝keep 住有劇開，但一向冇乜觀眾緣， 不過唔緊要，最緊要有人撐腰，之前虛報假學歷證據確鑿，都一樣有高層包庇。

唔止比人踢爆係大話妹，仲有新一代「姣精」之稱，蔡思貝入行短短四年，同佢傳過緋聞嘅男演員，就水蛇春咁長，最近仲有傳佢搞埋人夫王浩信。今次終於有高層出聲喇！要保住事業，蔡思貝今次都知衰，收歛一下喇！

冇得黐仔，咁咪唯有黐女囉！呢日《壹仔》喺銅鑼灣撞到蔡思貝，約埋好姊妹張曦雯shopping。兩個漫無目的周圍行，樣樣都走埋去睇下，仲四圍試食。行行下，蔡思貝突然好鬼肉緊，攬住Kelly 行，之後又主動拖人手仔。行完街，兩姊妹仲未捨得走，繼續企埋一邊密密斟。之後為咗截的士，兩個仲橫過馬路，真係睇見佢地牙煙呀！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...