【聾人生活不便】收唔到call網購取消送貨 說話不清被以為係外國人

聽障為方包帶來的不便，在她的漫畫中卻成了生活趣事。「上網訂完貨，送貨嘅時候，佢就打電話過來，但我聽唔到，然後他send短訊畀我，話佢打唔到電話畀我，所以送貨取消。」因為發音不準，到餐廳點餐時又被以為是外國人，「佢用普通話或者英文同我講，咁佢講英文，我就用英文答返佢，佢講普通話，我就用普通話答返佢。」她歪嘴笑了一笑：「配合吓。」

人們常說的「聾啞人士」，在聾人耳中卻是錯誤的形容，「我哋聲帶基本上都冇問題，只係因為我吸收唔到你哋講嘅嘢，所以令我哋講嘢唔係太清楚。」又有人以為，只要大聲一點，聽障人士就會聽到，「我試過啱啱認識嘅朋友，佢知我聽唔到，就好大聲同我講嘢，我話你唔洗咁大聲，你用返平時嘅聲量，然後等我讀唇，我就會明。」

有人覺得，聾人是不禮貌的稱呼，但原來並不是這麼一回事，「可能政府宣傳會用『聽障人士』呢個詞，啲人習慣咗。但私底下，好多聾人都會覺得，我就係聾人，我哋唔覺得有咩負面。」方包解釋，聾人及弱聽人士主要分別，是以文化區分，「聾人有自己嘅文化，多數都係用手語為主。弱聽人士就係用口溝通，好少打手語，同埋大部分都係讀主流學校。」

撰文：鄭靖而
攝影：胡智堅

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...