【靚爆B女曝光】一歲女勁黐郭晶晶 霍啟剛投降

有咩嘢可以令霍啟剛笑得咁冧呢？之唔係霍小公主囉！

已經有個四歲大仔嘅郭晶晶，上年再幫霍家生多個B女，湊個「好」字。B女霍中妍下個月就一歲喇，平時晶晶出出入入都將阿女包實，好小心架！

呢日竟然比《壹仔》撞到佢哋一家四囗喺淺水灣參加生日party 。霍中妍終於曝光喇！著住條白色裙仔，眼大大，白雪雪又肥嘟嘟，仲好靚女喎！咦？B女個樣點睇都唔似晶晶嘅？再望真啲！原來似足爸爸霍啟剛呀！難怪爸爸錫到佢燶啦！睇下霍啟剛全程抱住個女唔捨得放手。個女咁好肉地，爸爸都抱到手軟啦，諗住交比個friend 接下手，點知阿女即刻爆喊。阿女咁鬼黐身，霍啟剛當堂溶化！正當爸爸仲陶醉緊嘅時候⋯⋯晶晶就出現啦!

個女黐返阿媽，霍啟剛唯有拖返阿仔，玩到咁上下，霍氏一家先行徹退。平時勁慳家嘅晶晶，最多都係用下longchamp 嘅啫。但呢日參加party ，霍家少奶都要晒下行頭。晶晶孭住呢個紅色Hermes， 冇15 萬都落唔到樓，不過對霍家少奶黎講，濕濕碎啦！

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...