【池中無魚蝦為大？】《棟篤特工》票房勁收 子華神笑點各花入各眼

《棟篤特工》上映至年初三，僅僅四日，港澳兩地累積票房已破二千萬。同時開創華語片三個紀錄，包括年三十晚、年初二及年初三之史上最高華語片票房紀錄；另亦成為 2018 年大年初一至年初三入場人次最高電影。以呢個勢嚟睇，絕有可能衝破三千萬大關，成為新春賀歲檔期之冠！真係咁好睇？有網友就話「聽到主題曲已經唔想睇」，唔知大家又係咪咁諗呢？

「套戲真心麻麻」、「胡鬧得嚟唔好笑，忍唔住離場」、「人生中睇過最垃圾嘅戲」，網上一大堆負面評價。
不過認為好笑嘅人亦都有唔少，特別係同鄭中基、阿Bob玩VR落陰曹地府嗰part，笑到gap gap聲；同蔡少芬道完歉，再望望佢個仔個樣，亦係畫龍點睛全場大笑。
當然，「識唔識得笑」，明唔明個笑點喺邊，都好睇觀眾。例如達哥、Dickson都ok架，但如果你係一把年紀唔識達哥、Dickson，真係唧都唔會笑。

咁套戲究竟好唔好睇先？勉強持平盡量中立而言，不過不失啦。做得賀歲喜劇，經驗話俾我哋知一定無咩劇情可言，但大卡士而且有笑點，已經對得住「賀歲」兩隻字。至於點解勉強合格都有唔錯票房成績，除咗「子華神」嘅光環，可能就係今年賀歲檔「池中無魚蝦為大」囉。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...