【冇得收工點算】傅振中一日跑兩場 搞三個牌頭真係大陣仗

激進藍絲「保衛香港運動」創始人傅振中，經常在民主派遊行集會期間拉隊「踩場」，又會到法院抗議，要求「嚴懲佔中搞手」，原來他唔止得一份「工」要返。

話說立法會星期二開高鐵一地兩檢法案委員會會議，親建制團體「新年代」一行三十幾人當日一點幾，喺海富中心地下集會，要求泛民聽民意，唔好阻一地兩檢立法，之後遊行到立法會正門，期間傅振中一直統籌，安排該團體嘅受訪時間、起步時間等等，包辦示威背後嘅所有工作，睇落似係示威嘅操盤手。

喺呢場遊行前，團隊「不平則鳴」拉隊去港大抗議戴耀廷言論，要求校方炒佢魷魚。睇真啲，傅振中原來都喺隊伍當中，同樣指點集會者點樣叫口號，認真唔得閒喇。

《壹》仔問到點解唔用自己嘅「牌頭」去籌組行動時，他話今次示威涉及民生，而唔係針對泛民，所以冇用「保衛香港運動」名義行動咁話。不過，《壹》仔表明身分再追問，佢就即刻面色一沉話唔接受訪問，然後走埋一邊設法避開鏡頭，頓時笠水。遊行示威都搞多重分身，背後莫非有甚麼秘密唔可以俾人知？

撰文：巫不言

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...