【男人冇女人唔得】63歲風流夏韶聲 離4次婚做過金絲雀:現任女友係最好

六月中，夏韶聲同豹哥單立文、阿Paul黄貫中、Joey Tang，仲有較後生嘅恭碩良一齊在紅館開騷。
Danny表示今次開騷一啲都唔緊張，點解？原來都係同女人有關。

「男人無女人唔得嘅，實有嘅，我有女朋友，但經過咁多嘅起起落落之後，而家身邊女朋友一定係最好嗰個，所以我工作舒服咗好多，唔使再諗嗰啲嘢，佢亦都令我好開心。」他說。

夏韶聲有過四段婚姻，前妻Tina係越南華僑前首富嗰女，相識四日閃婚，不過他說兩人一齊生活九年，住在美國四萬呎豪宅，他一直過着金絲雀生活，冇晒自由。

19歲奉子成婚，夏韶聲坦言一直未缺過女人，之後三段婚姻都是離婚收場，不過今年63歲的他，仍然可以好豪氣：「感情隨時會黐埋嚟，都係事業要緊。」

不過冇腳的雀仔，都有停低的時候。

「我有女有孫，去到今時今日，有時回望都會奇怪點解以前會咁樣諗，而家咪幾好囉。所謂而家嘅幾好，我自己係有努力工作，亦多謝其他人俾機會。」他說。

他更自我反省：「每一樣嘢有時都會有錯漏，經歷過，我會覺得又學醒目咗喇，學醒目咗又學識咗啲嘢。」

攝錄：余一駱 蕭敬漁

場地提供：銅鑼灣HMV
HAIR： BRUCE CHOY@Flying Shears
MAKE UP：WONG WING
WARDROBE：Bettie Bespoke

立即按此連結Download《壹週刊》:http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...