【做完視后報名角逐影后】 胡定欣行街最緊要靚 買個織籃都要補下妝

近排喺電視見親胡定欣，唔係拍旅遊節目，就係現身綜藝節目。自從《宮心計2深宮計》後，已經好耐冇睇到佢拍嘅電視劇喇！上年用咗半年拍《包青天之再起風雲》嘅佢，講明拍完《包》劇後要休息一段時間，嘗試做吓唔同嘅工作。好似旅遊節目、舞台劇同四圍登台搵真銀，呢啲都係佢近呢半年做過嘅嘢！好多花旦約滿後，都想進軍影壇，升呢拍吓電影，佘詩曼係最佳例子。雖然胡定欣未約滿，但上年佢就有機會跳去影壇，吳鎮宇推薦佢拍小本製作嘅《逆流大叔》，套戲夠勵志又有意思，結果大收旺場！拎過兩次視后嘅胡定欣，今年好大機會可以憑《逆流大叔》角逐影后！事關電影公司除咗幫佢報名角逐「最佳新演員」外，仲幫佢報名角逐「最佳女主角」！雖然呢個係電影公司嘅策略，最後入唔入到圍係未知之數，不過，已經令胡定欣好開心。
37歲仲係單身嘅佢，唔怕搵唔到另一半，加上身邊有胡說八道班好姊妹陪，單身又如何呢？有時間，自己一個行吓街，揀吓心頭好，幾自由自在呀！好似呢日咁，胡定欣行吓家庭用品店，左睇吓，右睇吓，難得放假，梗係慢活吓啦！最後揀吓減價貨，踎低慢慢摷，終於揀咗個啱心水嘅織籃！排隊俾錢走人，一直都冇戴超嘅佢，行出店舖時，戴返副超，見個嘴有啲dry，邊行邊塗唇彩，即刻sharp醒晒！簡單啲嚟講，呢啲咪係星味囉！
攝錄：吳斯金
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...