【幼稚園員工危害學童健康】貪便宜買爛食材 餐桌抹布抹腳趾

近日《東張西望》報導咗一件事，令家長們個個睇到皺晒眉！係咩事呢？
是咁的，據《東張》報導指，九龍區有一間幼稚園負責廚房嘅員工，做咗好多唔衛生嘅事，有機會影響小朋友健康，包括喺洗蔬果嘅鋅盤洗頭洗地拖。
食材方面，又指涉事員工貪便宜，喺街市專買啲就快爛嘅食材，例如蕃茄、蘋果，切走爛咗嘅位唔要，其他就繼續煮畀小朋友食。唔只，用唔晒嘅食材又會擺返入雪櫃，但就無妥善裝好，好似食剩嘅白飯，隨意搵個兜蓋住就算；食剩嘅罐頭菠蘿亦無用保鮮紙包好，就咁放入雪櫃。何況，個雪櫃捆晒黑邊，好似萬年老泥咁，明顯長時間無清潔。
至於小朋友開餐時，餐車通常會掛上一條毛巾，用嚟清潔小朋友餐枱，但涉事員工仲會用條毛巾抹地，甚至有前幼稚園員工爆料指，親眼見過佢用嚟抹腳趾。仲有仲有，廚房中有對又黑又發霉嘅手套，如果用嚟處理食物就GG了。
據知，涉事幼稚園校長回覆，指事件發生喺半年前，得悉後已警告涉事員工，而該員工最近亦已請辭，校方亦承諾加強管理、監察。儘管學校有所承諾，但家長始終唔放心，皺晒眉大嗌「有無搞錯」、「好唔衛生」、「小朋友腸胃唔好隨時唔舒服」。
立即下載《壹週刊》Apps，隨時隨地睇盡時政專題、深度偵查、娛樂熱話。按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...