【免費考DSE】港人蜂湧攞著數？ 婆婆：想去玩吓

上星期財政預算案宣佈，一九年文憑試考生可免費報考，惹來爭議。雖然不久後財政司司長陳茂波即改口說會再調整，但如果真的可以免費報考文憑試，港人又會否報考呢？

冇錢派去玩吓

市民黎先生指，身邊有朋友一直希望再次報考，希望考取更好的成績，若然真的免費會增加其誘因報考。有婆婆亦表示可能會與丈夫一起報考：「咁佢（財政預算案）錢又冇得派，咁我咪喺嗰度攞你啲錢。咁你搞呢樣嘢出嚟都係鼓勵我哋去啫。」她說可能會報考通識科，「我地以前冇通識嘛」。

不為考試請假

畢業十多年的市民阿軒表示，當初聽到消息時也有想過報考，但因缺乏時間而打消念頭：「你冇咁多時間、精力投放上去，同埋可能你又要專登請假去考試。」消息公布後，有一九年文憑試考生擔心，免費報考會令競爭大增，影響他們的成績。從事廣告的Miranda說，明白考生的擔憂，但認為無須過慮：「唔會㗎香港人，你要明白香港人嘅生活係點先，真係唔會發生架呢樣野。香港人個目標好多時候都係買樓、搵錢，我諗最後都唔會好多人報。」

撰文：鄭靖而
攝影：胡智堅

相關連結：
【免費考DSE】試場「玩嘢」招數騎呢 學生哥嗌擔心
http://bit.ly/2oOM0f4

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...