【你都有今日喇】杜汶澤遇痴漢般的女粉絲 被耍弄到投降無晒符

有啲節目真係唔睇唔知咁過癮，例如ViuTV的《走佬去台灣》，唔只口不擇言杜汶澤講嘢抵死搞笑，就連喺節目出現嘅台灣人都一樣好癲好喪好有趣，搞到杜汶澤都搞佢哋唔掂、hold佢哋唔住，特別係阿澤自己嘅fans。

其實阿澤喺進入台灣近年興起嘅合租公寓之前，佢已經有啲感應架喇：「有無好似《食神》嗰啲fans？」佢真係「開口夾著脷」，果然有位名叫蘭伊嘅瘋狂粉絲成個女痴漢咁，嚇到平時搞搞震嘅阿澤都手足無措，事關呢位蘭伊好有喜感，阿澤叫佢向東，佢就會不受控咁向西奔走。
阿澤：「冷靜一點好不好？你過來，我數1、2、3你就冷靜，1、2、3。」點知蘭伊竟然大叫一聲：「跳！」然後原地跳，難怪阿澤都俾佢舞到攨晒頭。

其實唔只攨晒頭，阿澤仲想打爆佢個頭添呀！
蘭伊問：「你會煮菜嗎？廚藝好嗎？很棒嗎？」隨即又擺出一個令人噴飯嘅表情，令阿澤都忍唔住笑：「你做咩成個卡通人物咁啫？」
蘭伊續說：「我聽說你（煮飯）好像蠻厲害的。」
阿澤：「對，煮一些香港菜……」此時，蘭伊已經跳晒制，以發癲mode捉住阿澤兼邊跳邊大叫：「那煮給我們吃！」嚇到阿澤：「我一拳打死你呀我同你講，你試下搞我吖！我話俾你聽我黑帶呀，一拳打爆你個頭呀！」黑帶又點吖？遇上瘋狂fans都係認命罷啦，蘭伊一句「你捨得嗎」就足以KO阿澤，唔知好嬲定好笑咁投晒降去街市買菜。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...