【未婚夫談苟芸慧】陸漢洋希望今年完婚 苟姑娘：度完期我要出現就得嘞

陸漢洋以三十多歲之齡，才開始其賽車手生涯，二〇一一年首次亮相澳門格蘭披治大賽房車賽，一二年被選為上海林寶堅尼的官方車手，兩年間摘下兩冠、兩亞成績。陸漢洋亦是首位以華人車手身份，參加「法國利曼24小時耐力賽」，一七年再在馬來西亞參加亞洲勒芒衝刺盃，成為首位奪得該盃賽年度總冠軍的華人，贏得未婚妻苟芸慧擁吻祝賀。今年六月，他將會第三次出賽法國的「勒芒之路」賽事。

苟姑娘今年初已放風即將嫁陸漢洋，但未見實際安排。（與未婚妻的婚禮籌備成點？)「暫時都係希望保密，我哋有自己諗法，我同佢爹哋媽咪都有共識，所有嘢都會一齊商量，所以我而家能夠答你就係：積極籌備中，希望今年內可以完成。」他續說：「我唔會用夢幻來形容這場婚禮，我會用溫馨來形容。因為我未婚妻最緊要，將來結咗婚，就係一家人，外父外母都係一家人，一個和諧家庭最緊要係溫暖。」

他指籌備過程中，苟姑娘對他完全信任，「佢話你同我經理人度完期，大概幾時邊日我要出現就得嘞。佢對我好好，俾好大信心我，同埋俾我去揀去做。佢除咗自己件婚紗之外，其他嘢都一概放手。佢係一個好特別嘅女仔，到今時今日，我唔覺佢對人有失去真誠，第二就係佢非常孝順，第三佢好體諒我。有啲嘢我可能係唔啱，佢會好直接咁同我講，唔會同我兜圈。」

苟姑娘與陸漢洋一樣愛賽車，有共同嗜好，陸漢洋對香港的賽車業有願景：「香港做賽車最困難，第一件事就係無場地練習，相信每一位賽車界嘅朋友都想有個賽車場，同埋我哋唔夠專才。另外一樣嘢係sport marketing，喺香港對賽車或者對運動嘅贊助，或者一啲軟性嘅marketing係比較陌生。我自己願景，以前做車手嘅年代，好簡單，一個字:我要贏。而家仍然想贏，但個vision有少少唔同，我都想有下一round嘅人去替補，唔好青黃不接，希望可以有更多年青一輩，或者工程師、管理人員、sport marketing，甚至係一啲活動嘅management出來，希望香港可以培養到自己嘅人才，自給自足。」

撰文：K.Y
攝錄：林志謙

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...