【唔怕冷親】兩父子短袖上陣玩嘉年華 丁子高訓練6歲Torres夠獨立

通常會去AIA嘉年華嘅一係一家人，一係就情侶。入面咁多攤位遊戲掟公仔，最啱小朋友玩。難怪呢日丁子高都帶埋Torres 嚟玩，不過就唔見千嬅身影，應該係忙緊搞巡演。雖然而家冬天平均都有21-22度唔算凍，丁子高自己著住短袖都算啦，估唔到連Torres都短袖上陣，完全唔怕凍。而家6歲嘅Torres已經高去丁生條腰，大得好快啊！準備行返入商場呢啲冷氣地方，丁生即刻拎件長袖衫俾Torres著，冷親個仔好大罪㗎嘛！玩完嘉年華都肚餓啦，兩仔爺去咗買飯團，之後去隔離戲院買戲飛。
話時話，《壹》仔睇得出丁生對Torres真係有百分百信任。先係全程佢都自己行得勁快，間唔中先回頭望下Torres有無跟實。買完戲飛又將戲飛交俾Torres保管，換著而家好多直升機父母一定會全程拖實個仔，乜都幫個仔搞掂晒。睇到Torres咁乖就知有時信任都好重要架！好多人都話俾老豆湊仔出事機率好大，但睇嚟丁生湊仔有一手啊！

立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...