【八卦陣】反預算案打「醉駕波」 長毛笑人社搞「港毒」

社民連等團體上個星期日，亦都係驚蟄前一日，舉行遊行，反對肥上瘦下嘅財政預算案，要求還富於民。遊行到夏愨道嘅時候，人民力量成員譚得志（快必）帶領遊行人士一齊打小人，鬧爆林鄭同埋三個司長，句句毒辣，記者朋友都忍唔住笑。

當日全部人下晝兩點半喺遮打花園出發，原定遊行到政府總部。去到添馬街同夏愨道交界，警察話遊行人數唔夠一千人，唔開夏愨道橋底畀遊行隊伍行去政總，話要行天橋上去。

遊行隊伍嘅政黨代表同警方僵持咗差唔多兩個鐘，都係傾唔掂數，最後就地打小人。主辦單位倒出幾廿對拖鞋，快必嗌咪，招呼林鄭同埋佢揮下三個「猛將」。

「打你個醉駕波　打到你撞車碌咗落山坡」、「打你個僭建驊　打到你甩肺生cancer」、「打你個肥佬張建宗　打到你條條骨骼都疏鬆」、「打你個林鄭777　打到你個仔比公安老屈」。

你都咪話唔毒，連長毛梁國雄都講笑咁話大家係「港毒」。

撰文：巫不言

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...