【摘月亮的人】想自己升呢 凡事唔靠估估吓？｜李根興

從前有個公主由細到大都好鍾意望住個月亮，她好多時一望就望足成晚，因此經常為此冷病。
有一次公主大病的時候，仍要去花園望月亮。國王擔心問: 「你點樣先可以唔好成日為左望月亮而冷親呀?」
公主就話如果國王可以幫佢摘個月亮落嚟呢，就以後唔使望住佢啦 。
國王之後就召集全國聰明智士及千軍萬馬研究各種方法如何把月亮摘下來。 
有人就話個月亮要去到鄰國，無可能摘落來。又有人說月亮如皇宮般大，摘下來後仍無位放﹐又有人指月亮應該是螢光氣體壓縮而成，無人能夠捉得住。
在大臣們議論紛紛嘅時候，有個宮女細細聲話:「點解無人問下呀公主佢點諗嘅?」
宮女問:「公主呀，你覺得個月亮有幾大呀?」
公主回答:「大概我手指公咁大啦!」
宮女再問:「咁你覺得個月亮有幾遠呀?」
公主：「我成日都見到月亮掛係前面棵樹上面， 大概嗰度咁遠啦!」
宮女：「公主呀，咁你覺得個月亮係咩做㗎?」
公主：「咁靚，梗係黃金啦?」
就這樣，國王馬上叫人用黃金做了一個手指公般大的吊墜，假裝在樹上面摘下來給公主，公主亦很開心。
可惜下一個問題就馬上來了，國王心想，如果公主第二日又見到個月亮繼在天空上便出現問題。於是有人提議不如找個黑紗罩住個皇宮，有人提議不如晚上放煙遮住個天空，有人提議晚上不要讓公主行出花園。宮女又細細聲講:「點解又無人問下呀公主佢點諗呢?」
公主說:「月亮摘咗落嚟之後，梗係會生番個出嚟啦。 我隻牙齒甩咗，都會生返喇。有乜問題呀?」
凡事不要只自己想，如多問對方意見，答案可能更加清晰。 
根據美國兩位著名心理學家 Joseph Luft 同埋 Harrington Ingham，在1955年發明了 Johari Window (周哈里窗 - 以佢哋兩個人嘅名為名)，用56個 adjectives 形容詞，展示關於自我認知、與其他人對自己認知之間，在有意識或無意識情況下的差異。由此分割為四個範疇: 
(1) 人知，我都知 (又叫做 Open / Free Area ，開放我) - 例如: 我專買舖，人人都知。
(2) 人知，我唔知 (Blind Area，盲目我)，即是盲點 - 我以為自己好有型，但其實個個都覺得我好「樣衰」， 但冇人跟我說。
(3) 人唔知，但我知 (Hidden Area，隱藏我) - 其實我內心世界是一隻小綿羊， 怕俾人欺騙。
(4) 人唔知，我都唔知 (Unknown Area, 未知我) - 原來我識得飛天， 但大家也不知
做人總是希望盡量將這個open同free的地帶盡量打開，那就你就更加能夠了解/改善自己，別人就更加能夠明白、信任你。 由於自我認知 (self-awareness) 加上別人對你的了解 (understanding by others) 範圍大了，這樣你的發揮和被接納的空間亦同樣增大。
如何做?
(1) 主動問多一點，feedback solicitation, 就會更易令你睇到自己盲點。
(2) 主動講多一點自己的想法， 甚至乎多披露自己脆弱的內心世界，self-disclosure or exposure， 就會令到其他人更加明白你， 續而更加信任你。 
有些地方你可以繼續收埋不讓人知，有些地方就係始終別人知，但你自己不覺。最重要是total open area大了，你都「升呢」。
撰文：李根興

立即下載《壹週刊》Apps，隨時隨地睇盡時政專題、深度偵查、娛樂熱話！
按此連結： http://bit.ly/next28app