【做人老母甚艱難】卓林搬走 吳綺莉愁爆搵骨瘦焦媛訴苦

吳綺莉嘅表情，仲豐富過坐佢對面嘅 「舞台劇女王」焦媛喎！
嗱！吳綺莉近年最煩嘅，應該就係囡囡卓林同佢位外籍同性太太Andi嘅事。卓林呢對小情人由加拿大搬返香港定居，由住旺角賓館到欠租，搞到俾包租婆報警，死死氣漏夜搬返阿媽大坑度住，最近又再脫離阿媽。
做人老母甚艱難，咁可以點？咪搵friend呻吓放鬆吓咁囉！呢日吳綺莉約咗焦媛喺銅鑼灣飲咖啡，啱啱坐低嗰陣，吳綺莉睇落係有啲愁，仲煙駁煙。不過有老友咁落力開解，就笑番啦！講番焦媛，幾個月前瘦到一條柴落晒形咁款，外界當然估佢係咪患厭食症，不過男友高志森已經澄清咗女友冇病，只係太投入舞台劇角色。
點都好，呢日見焦媛已經肥番少少，精神都算唔錯，仲有講有笑，安慰吳綺莉，不過真係要好好保重呀！唔係心痛死高導演喇！
攝錄：吳斯金、東尼
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...