【最新回應●女方曾騷擾老婆】子善妻勸早日放低 林子善：L小姐話當送結婚禮物俾我

對於有人爆料指L小姐與林子善婚前有過情侶關係，並有情慾短訊流出，對此林子善一聽本刊致電求證，他即跟身邊的老婆Kary說：「佢終於攞啲短訊出嚟！」原來兩個月前，林子善結婚在即，對方透過facebook把林子善與她的情慾對話send給Kary。而坦白的子善，亦一早跟老婆Kary復合後，已一五一十把他在真空期間，跟這個女仔一起個多月的事全告知Kary，故Kary收到對方騷擾時亦不感驚訝。

Kary仍然好大方，今日在ig留言話：唔會因為咁小事影響到佢哋，畢竟已經係兩年前嘅事，亦希望個女仔早啲放低！」今日林子善亦在facebook表示，不用擔心他和太太。

林子善說：「因為鍾意佢，先同老婆分手呢個講法係100%錯，我係同老婆分咗手，先認識佢，我當時單身，我唔怕佢抹黑我，因為真空期又唔係偷食，正正常常去同另一個拍拖。當時喺facebook見到佢寫啲嘢唔開心，我又唔開心，所以大家交上朋友，再慢慢發展到拍拖。至於所講嘅避孕套，係佢當時去日本玩，話見到啲好得意嘅套，大家講笑話買返嚟，佢仲話做網購，當然仲有一啲對話，唔知佢有冇加多減少，至於情慾短訊，大家都知我為人，成日鍾意講笑。」

拍拖個多月便分手，子善話：「最致命原因係我好掛住我老婆，亦覺得同對方唔適合，所以決定分開。」

他續說:「有咩情慾短訊佢咪擺出嚟囉！最緊要依家個結果，我對老婆一心一意。兩個月前佢透過facebook搵我老婆，老婆亦睇曬啲短訊，佢想抹黑我，想令我同老婆關係差，我哋係唔會因為咁而離婚，調番轉佢會原諒我，因為係過去嘅事。佢咁做……當時佢話我結婚要送份結婚禮物俾我。至於佢係邊個我唔會講，唔想影響佢工作，因為佢都係娛樂圈人。」

有沒有喜歡過L小姐？他說：「好有好感，但唔夾，希望佢哋人生開心啲，唔好太多負能量。」

一起一個月，但兩年都放不下，是懷恨還是愛得深，L小姐真要好好思考。兩年前林子善回復單身時，跟歌手黃思迦傳過緋聞，有指黃思迦是情慾錄音女主角，但林子善就否認，冚得咁密，真是要當事人才知了！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...